Jun
Nizami
Lagu Janari
Hawar-hawar
sora karéta.
Mawa
lagu janari. Duka di mana.
Meureun
di kalér, di Ciawi.
Atawa
di dieu, na jero ngimpi
Ka
mana? Ka mana? Terus ngawih.
Kakupingna
mah kawétankeun
Ka
mana? Ka mana? Milari asih.
Meureun
rék nepungan anjeun
Hawar-hawar
lagu janari.
Patémbalan
jeung sora aki-aki.
Nu
tahrim. Ti Masigit. Nu jauh
Meureun
rék nepungan anjeun.
Nu
jauh. Nu duh. Nu anteng,
Ucang-ucang
di langit katujuh
Lamping-lamping
simpé.
Aya
nu kebat. Muru balébat
Beuki
jauh...
Beuki
jauh...
Ngadeukeutan
subuh
Meureun
rék nepungan anjeun.
2012
Nota Elegia
-keur Leli Salimatul Hapsah
Cenah
cinta téh haleuang déwa geuning, Hapsah
Nu
jadi rukmi, na hiji-hijina dada kami
Nu
teu eureun motah, na hiji-hijina ieu sirah
Jungjunan,
alamat hiji-hijina duriat.
Muru
anjeun kuring ngaléngkah
Tapi
sapapanjang jalan, bet baloboran getih
Ieu
peurih.
Cimata
tuluy ngamalir, milang ringkang
Ngajirim
walungan, nu teras meuntas
Ka
saban-saban impian.
2011
Tidak ada komentar:
Posting Komentar